Villa Norangdal

Om

Opplev det nyrestaurerte trehotellet Villa Norangdal med romdesign som representerer ulike tiår i det 20.århundre. Villa Norangdal ligg tilbaketrekt og majestetisk på garden Haugen ved inngangen til Norges villaste og trongaste dal, Norangdalen.
Hotellet som er frå 1885 hadde si glanstid i perioden 1890-1940, då hesteskyssen av cruisebåtpassasjerar gjennom dalen var stor.
Noverande eigar har lagt ned mykje tid og pengar for å restaurere bygget, som opp gjennom tidene har husa mange kongelege frå fjern og nær. Fleire av dei første britiske fjellpionerane, som oppdaga den utfordrande fjellheimen i området, hadde også base her.
No har du på nytt sjansen til å bu i eit lite hotell utanom det vanlege med historisk sus i veggane. Hotellet vil vere heilårsope.